Goli nuk vlen, hunda e sulmuesit Ismaila Sarr, pas shikimit të pamjeve në VAR, është në pozicion jashtë loje. Episodi me nota komike është regjistruar gjatë ndeshjes së mbrëmshme mes Tottenham dhe Crystal Palace në Premier League.
Ishte minuta e 29-të, kur Sarr shënoi për ekipin mik, por teknologjia e anuloi golin, sepse sulmuesi kishte hundën më të avancuar se mbrojtësi kundërshtar. Pamjet janë bërë menjëherë virale dhe kanë bërë xhiron e botës.
Gjithsesi, Sarr do të shënonte dy gola më pas, ndërsa skuadra e tij fitoi 1-3, duke thelluar krizën e Tottenham, që tashmë rrezikon rënien nga kategoria.
