Ekipit të AF Elbasanit do ti duhet të udhëtojë sërish drejt Shkodrës për ndeshjen e kthimit të Kupës së Shqipërisë ndaj Vllaznisë , me shpresën për të kaluar në gjysmëfinalet e Kupës.
Pas një barazimi pa gola në “Elbasan Arena”, ndeshja e kthimit në “Loro Boriçi” është shumë e rëndësishme për të dyja skuadrat. Trajneri i Elbasanit, Ivan Gvozdenoviç, ka shprehur bindjen se ekipi i tij është i gatshëm për të luftuar dhe kaluar më tej në këtë garë me mjaft rivalitet.
Ai ka theksuar rëndësinë e një ndeshjeje të hapur dhe të kujdesshme.Nga katër përballjet mes Vllaznisë dhe Elbasanit këtë sezon, tre janë mbyllur në barazim dhe një e ka fituar Vllaznia, duke treguar balancë të fortë mes ekipeve.
Nëse ndeshja e kësaj të Marte përfundon barazim, ajo mund të kalojë në shtesë dhe ndoshta penallti, një mundësi për të cilën Elbasani është i përgatitur.
Për “verdheblutë”, kupa mbetet një mundësi e mirë për të siguruar një vend në kupat e Europës, duke marrë parasysh situatën në kampionat, ndaj ata do të luajnë për të gjitha shanset në Shkodër.
(Video) Prononcimi i trajneri i Elbasanit, Ivan Gvozdenoviç, në pragndeshjen e dytë çerekfinale të Kupës së Shqipërisë.