KF Bulqiza-KF Shiroka 1-3(Shenues: Donad Saliaj 40’/Arjet Bizi 36′, Elidon Dulaj 79′, 90′)
Pas humbjes ne shtepi me Partizanin B per javen e pare te fazes se dyte per Kategorine e Trete, qe lekundi paksa pozitat e renditjes, KF Shiroka ka bere autokritiken e duhur duke fituar ne transferte me Bulqizen.
Ndeshja e luajtur pasditen e se shtunes ne kompleksin e ekipeve kombetare te Kamzes, ishte mjaft e rendesishme per te dyja skuadrat. Bulqiza me 14 pike ne renditje dhe Shiroka me 13, kishin objektiv vetem fitoren tre pikeshe. Kete e arriti KF Shiroka, duke shenuar tre here ne porten vendase ndaj nje goli te bulqizakeve.
Jane shirokasit qe shenojne te paret ne minuten e 36-te me autor Arjet Bizin, por pas kater mitash eshte Donat Saliaj qe barazon per vendasit.
Pjesa e pare mbyllet me rezultatin 1 me 1, nderkohe qe e dyta shoqerohet me nje lufte te forte sportive, ku te dyja skuadrat kerkojne golin e avantazhit. Do te duhej te vinte minuta e 79-te qe Elidon Dulaj te shenonte golin e dyte per KF Shiroken.
Dhjete minutat e mbetura te takimit perfshire edhe kohen shtese vendasit kembengulin per golin e barazimit, por ne te kundert jane miqte e KF Shiroka qe shenojne te tretin ne minuten e 90-te me te njejtin autor Dulajn qe regjistron dopiete ne kete ndeshje.
Me rezultatin 1 me 3 ne favor te Shirokes mbyllet e gjithe ndeshja. Me tre pike shume te rendesishme qe e mbajne Shiroken vendin e trete me 16 pike, po aq sa na edhe Eagle Football i vendit te dyte, nderkohe qe ne krye vazhdon te jete Partizani B me 20 pike.
(Video) Ndeshja, KF Bulqiza-KF Shiroka, 1-3