Saturday, August 30, 2025

(Video) Boks-Mirënjohje për kampionin Alban Beqiri nga Bashkia Pukë: Kënaqësi e veçantë, pasi dekorohem nga vendlindja e ime! Së shpejti, ndeshje profesionite pë Pukë

Lexo

Kampioni i boksit shqiptar, Alban Beqiri, i cili po kalon një karriere të sukseshme edhe në boksin profesionist, është dekoruar nga Bashkia Pukë me titullin “Mirënjohje”. Titull ky që iu dorëzua nga ana e kryebashkiakut të Pukës, Rrok Dodaj gjatë Kampionatit Kombëtar të Boksit U19 zhvilluar në këtë qytet.

Gjatë dorëzimit të dekoratës, kreu i Bashkisë Pukë Dodaj, shprehu kënaqësinë që bashkëqytetari i tyre ka arritur rezultate të larta sportive, kombëtare dhe ndërkombëtare, ndërkohë që u tregua i gatshëm për një bashkëpunim të mundshëm me të në zbatimin e projekteve ambicione për organizimin e ndeshjeve profesioniste në Pukë.

Nga ana tij, vetë Alban Beqiri, ndërsa pohoi se ka marrë shumë vlerësime gjatë karrieres së tij sportive, theksoi se kjo e akorduar nga Bashkia Pukë është më e veçanta, pasi e merr nga vendlindja e tij.

“Arritjet e mija kanë treguar më së miri, që një boksier pukjan mund të përballet me dinjitet me të gjithë boksierët e botës duke ia dalë me sukses. Falenderoj Bashkinë Pukë për vleresimin që më bëri, dhe i premtoj pukjanëve se shumë shpejt do të jemi në këtë shesh për zhvillimin e ndeshjeve të rëndësishme të boksit profesionist”, u shpreh kampioni Alban Beqiri.

(Video) Momenti i dekorimit të boksierit kampion Alban Beqiri nga Bashkia Pukë.

Gaspër MARKU

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img