E harruar nga Shqipëria, nënkampionja e Europes në karate që jeton në Itali, Mikela Skandaj, pak ditë më parë morì ftesen nga Kombëtarja Italiane për të marrë pjesë në Kampionatin Botëror që do të zhvillohet në Suedi gjatë muajit korrik të këtij viti.
Në fakt, falë rezultateve të shkëlqyera këto vitet e fundit dhe përformaces që tregoj në Kampionatin Europian dhe Kupën e Botës, ku Mikela e mbylli vitin e kaluar e katërta në Botë, ishte në dijeni se pjesëmarrja e saj në Kampionatin Botëror ishte e pa diskutueshme.
Po për fatin e keq, këto ditë, Mikela ka pësuar një dëmtim në stërvitje duke vënë në dyshim pjesëmarrjen e saj në garë, situatë që po ndiqet me përparësi prej së afërmi nga stafi mjekësor i kombëtares italiane për ta pasur gati Mikelen në këtë aktivitet madhor.
“Nuk e di çfarë kanë Kampionatet Botërore me mua, dy vite më parë, e fitova të drejten të marr pjesë në Kampionatin Botëror që u zhvillua në Skoci, por, mungesa e dokumentave më penalizoj, vitin e kaluar, falë përformances së shkëlqyer në Europianin e Frances më caktuan të përfaqesoj Italinë në Meksiken e larget, por e refozova nga mungesa e të ardhurave. Këtë vite po e prisja me padurim të realizoj ëndërren time, pjesmarrjen për herë të parë në Kupen e Botës, por dëmtimi ndoshta po më ma heq këtë mundësi të artë për të realizuar ëndërren time”, thotë ndër të tjera për Veriu Sport, talentja lezhiane, Mikela Skandaj, pas dëmtimit.
Tashmë, mbetet për t’u parë koha e rikuperimit në mënyrë që Nënkampionia në fuqi e Europes të mundësojë konkurimin në Botëror.
Kujtojmë se karateistja e talentuar nga Lezha, Mikela Skandaj që jeton prej vitesh në Itali është për tre vite radhazi Nënkampione Europe, ndërkohë që gjatë karrieres së saj sportive numron mbi 60-të medalje të fituara në konkurimet ndërkombëtare. E megjithatë, edhe pse me këto nivele shumë të larta, dëshirës dhe thirrjes së saj dhe të familjes së saj për të përfaqësuar kombëtaren kuqezi, nuk iu përgjigj asnjëherë federate përkatëse në Shqipëri.
(Video) Pamje nga titujt dhe diplomat e fituara nga karateistja shqiptare Mikela Skandaj në garat ndërkombëtare.
Gaspër MARKU