Thursday, February 29, 2024

(Video) Eldis Kraja, 23 vjeçari shkodran që preferon uniformën kuqeblu. Pas përvojës në Itali, Qipro dhe Kroaci, por edhe titullit kampion me Tiranën, gati për Superioren shqiptare

Lexo

Eldis Kraja, është një futbollist shkodran i dalë nga Akademia Vllaznia, i cili karrieren sportive e vazhdoi në Itali, Qipro dhe së fundmi në Kroaci ku është aktivizuar në rreth 22-23 ndeshje të kampionatit.

Më herët, Kraja ka kaluar një përvojë pozitive edhe me Tiranën ku edhe është shpallur kampion i Shqipërisë. Ndërkohë, gjatë këtyre viteve, Eldis Kraja ka qënë pjesë edhe e ekipeve kombëtare U-19 dhe U-21.

Mosha e tij 23 vjeçare përkon edhe me strategjinë e KF Vllaznia për sezonin e ri futbollistik, ndaj përpos ofertave në klubet e tjera të Superiores, Kraja që luan si mesfushor-sulmues anësor, preferon të veshë uniformën e Vllaznisë.

Këto ditë është me pushime pranë familjes së tij në Shkodër, dhe është parë nën shoqërinë e ish futbollistit të kombëtareës, Rudi Vata, aktualisht edhe në rolin e menaxherit të futbollit duke projektuar lëvizjen e radhës.

Sipas Vatës, kemi të bëjmë me një futbollist me tipare shumë cilësore sa i përket repartit të sulmit, që sipas tij është tip Latifi i dytë për lojën që ai demostron në fushë.

Në prononcimin e dhënë për Veriu Sport, Eldis Kraja, bën të ditur se pas kthimit nga Kroacia ka pasë kontakte me klube të ndryshme të Superiores, por dëshira e tij është luaj për Vllazninë.

(Video) Intervistën me futbollistin Eldis Kraja, mund ta ndiqni të plotë në kanalin tonë zyrtar, Veriu Sport-YOTUBE. Ndërkohë që bashkangjitur janë edhe disa pamje të Krajës në ndeshjet e zhvilluara me skuadrat e ndryshme.

Gaspër MARKU

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img