Ora 17:00 e pasdites së shtunë shënon startin e javës së 12-të të kategorisë Abissnet Superiore, me çiftin Erzeni-Egnatia. Rrogozhinasit të cilët bashkëkryesojnë tabelën e klasifikimit me Partizanin në kuotën e 23 pikëve do të kërkojnë vazhdimësinë kundër shijakasve në javën e 12-të të Superiores. Ekipi i drejtuar nga trajneri Edlir Tetova do të vuajë mungesën e mesfushorit Albano Aleksi, i cili mbushi numrin e 4 kartonëve të verdhë.
Për rrogozhinasit, ka një pikpyetje aktivizimi të Fernandos, i cili u dëmtua në përballjen me Kukësin pak ditë më parë. Mesfushori brazilian ndien dhimbje në këmbën e djathtë dhe me shumë gjasa pritet të jetë një mungesë e sigurt te bardhëjeshilët. Dy mesfushorët që priten të zëvendësojnë Aleksin dhe Fernandon janë Mëllugja dhe Ahmetaj.
Në konferencën për shtyp dhënë në këtë pragndeshje, trajneri i Egnatias, Edlir Tetova, u shpreh optimist për marrjen e një rezultati pozitiv, fitoren tre pikëshe, me synim mos lëshimin e kreut të tabelës së klasifikimit.
(Video) Prononcimi i trajnerit rrogozhinas, Edlir Tetova, në pragndeshjen, Erzeni-Egnatia. Të shtunën, ora 17:00, java e 12-të e Abissnet Superiore.
