Një nga arsyet që Vllaznia e humbi betejen e parë europiane me letonezët e Daugavpils për UEFA Conferencë League, sipas ish kapitenit të kuqebluve, Gilman Lika, ishte forma jo e mirë sportive që paraqiti pjesa më e madhe e futbollistëve.
Në një mininalizë që Lika i bën ndeshjes së luajtur në “Elbasan Arena”, duke folur për Veriu Sport, thotë:
“Me thënë të drejtën, kishte shumë gjëra që nuk më pëlqyen dhe nuk shkuan ashtu siç duhet, por gjëja më e parë që duhet të theksoj është se, me atë që pashë unë, 90 % e lojtarëve ishin jashtë forme sportive të tyre. Ne i njohim ato lojtarë dhe e dimë se çfar kanë dhënë ato në fushën e lojës duke e ditë se shumica prej tyre nuk dhanë ndoshta as 60-70 % të mundësive të tyre. Të vjen keq në radhë të parë për një gjë të tillë, por që gjithësesi duhet me u kuptu nga arsye të ndryshme të periudhës përgatitore. Sidoqoftë, të jep shpresë për ndeshjen e kthimit, se duke punu më fort dhe përqëndru më tepër, ku gjithësecili të japë maksimumin, dhe idea ime është që në qoftëse këto lojtar arrijnë të japin maksimumin, besoj se është krejt i mundshëm kthimi i rezultatit në Letoni.”, tha ndër të tjera, ish kapiteni kuqeblu.
Në vijim të prononcimit të tij, Lika flet me respekt për dyshen drejtuese të stafit teknik, Martini-Sinani, tek të cilët beson se do të japin më të mirën e tyre në shërbim të skuadrës.
Pjesë e intervistës së Gilman Likës është edhe aktiviteti i tij si trajner, ku prej dy vitesh po trajnon me sukses në ekipet e futbollit të Emirateve të Bashkuara Arabe, pa lënë mënjanë ambicjen e shfaqur më herët, që në vazhdimësi dëshiron dhe synon të drejtojë në Superioren e futbollit shqiptar.
(Video) Prononcimin e plotë të ish kapitenit të Vllaznisë, Gilman Lika, mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
