Egnatia mori një fitore të rëndësishme në ndeshjen e parë për turin çerekfinal të Kupës së Shqipërisë, kundër Bylisit në Ballsh. Nesër në orën 13:30, rrogozhinasit i presin në shtëpi teksa janë shumë pranë kualifikimit në gjysmëfinale për shkak të rezultatit 3-1. Në prag të kësaj sfide, ka folur edhe trajneri Edlir Tetova.
“Kemi analizuar ndeshjen e Korçës, por fokusimi është te ndeshja e nesërme dhe do të bëjmë më të mirën. Mini krizë jo, ishte një ndeshje e dobët e jona, por janë gjëra që ndodhin. Mendoj që duhet të jemi të përqëndruar te ajo që shfaq skuadra jonë, çdo ekip ka objektivin e vet, mendoj të kalojmë shpejt nga kjo dhe ti rikthehemi ndeshjes së nesërme me shumë përqëndrim. Përderisa ndeshja është e hapur, me dy takime, gjithçka mund të ndodh, nesër është Egnatia më e mirë në fushë dhe ne jemi të përqëndruar te ajo ndeshje. Asgjë ska mbaruar, kemi marrë një rezultat të mirë në Ballsh, por vështirësia do të jetë nesër. Mendoj nuk ka shpërqëndrim, ka fokus më shumë se sa duhet, kemi ndeshje të rëndësishme nesër, se duhet të kalojmë në fazën tjetër dhe rotacion do të ketë shumë pak. Nuk do ta theksoj që Guindo nuk është përshtatur, por ka pasur gjendje gripale dhe ka mbetur pak mbrapa, por të gjithë presim nga ai”, deklaroi ndër të tjera, trajneri i Egnatias Edlir Tetova në prag të ndeshjes së dytë çerekfinale të Kupëqs së Shqipërisë me Bylisin.
(Video) Prononcimin e plotë në video të trajnerit të Egnatias Edlir Tetova, në pragndeshjen e dytë çerekfinale të Kupës së Shqipërisë me Bylisin, mund ta ndiqni në kanalin tonë zyrtar, Veriu Sport-YOUTUBE.