Thursday, April 18, 2024

(Video) Prag klasikja, Vllaznia-Tirana. Traneri Qatip Osmani, premton fitoren e radhës për kuqeblutë

Lexo

Me seancën stërvitore të paraditës së premte zhvilluar në stadiumin “Loro Boriçi”, Vllaznia ka mbyllur përgatitjet për supersfidën e ditës së shtunë, Vllaznia-Tirana. Në konferencën për shtyp dhënë për mediat, trajneri Osmani, pranon rëndësinë e ndeshjes, por thotë se skuadra nuk është nën presion, dhe se është gati për fitoren e radhës.

Gjatë dy-tre ditëve të fundit, për arsye dëmtimi, me skuadrën nuk janë stërvitur portjeri Kristi Qarri dhe mbrojtësi Geralb Smajli. Në lidhje me to, tekniku kuqeblu, konfirmon se  portjeri Qarri nuk është akoma gati, ndërkohë që mbrojtësi Smajli, ka pasur përmirësime gjatë ditës së sotme, dhe është projektuar për të luajtur në formacion nga minuta e parë.

Edhe pse Tirana vjen pas disa rezultateve negative, Osmani thotë se vlerësimi ndaj saj do të jetë maksimal, pasi kemi të bëjmë me një derbi klasik. Pozitive për skuadrën kuqeblu do të jenë edhe tifozët, të cilët pritet të jenë të shumtë në numër në këtë ndeshje.

Klasikja e fubollit shqiptar, Vllaznia-Tirana, luhet pasditen e së shtunës në stadiumin “Loro Boriçi” duke filluar nga ora 17:00.

(Video) Qatip Osmani, trajner i Vllaznisë, flet në pragndeshjen me Tiranën. Superiore, java e 26-të

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img