Pasi dha sinjalet e duhura sezonin e kaluar, Vllaznia e volejbollit për femra, pritet të jetë pretendentja kryesore për fitimin e titullit kampion. Për realizimin e këtij objektivi, Vllaznia e këtij sezoni i është nënshtruar një riorganizimi total, qoftë në staf teknik por edhe në përbërjen e skuadrës duke bërë të mundur veshjen kuqeblu të tre volejbollisteve të huaja, dy bjelloruse dhe një ruse. Të rejat më të fundit në Shoqatën e volejbollit Vllaznia për femra u bënë të ditura gjatë konferencës për shtyp dhënë paraditen ne sotme në mjediset e pallatit të sportit, “Qazim Dervishi”.
Krahas te volejbollisteve të huaja, Knyzeva Anna Setter, Dayra Auramchyk dhe Lyubov Pronina, presidenti i Vllaznisë në volejboll femra, Florian Zekja prezantoi si pjesë të stafit kuqeblu edhe Gert Lishën, djalin e trajnerit Besnik Lisha, i cili i ardhur nga Shtetet e Bashkuara të Amerikës, do të japë kontributin e tij në aspektin organizativ dhe atë teknik.
Në vijim, ka folur edhe volejbollistja bjelloruse Dayra Auramchyk, duke u shprehur e kënaqur për bashkëpunimin me Vllazninë.
Kampionati Kombëtar i Volejbollit për Superligën femra, fillon në fund të muajit shtator.
(Video) Pamje nga seanca stërvitore e Vllaznisë në volejboll femra-6 shtator 2022
