Mbrëmja e së hënës së 30 dhjetorit 2024 ka qënë e veçantë për pjesëtarët e Shkodra Tennis Club. Përmes një takimi festiv organizuar në mjediset e kompleksit Adriatic Tennis Park monitoruar nga drejtorja e Shkodra Tennis Club, Blearta Ukhaxhaj ku ishin të pranishëm sportistët e grupmoshave të klubit të tenisit shoqëruar nga familjarët e tyre, është prezantuar aktiviteti i suksesshëm i klubit shkodran gjatë vitit 2024.
Gjatë kësaj ceremonie ka përshëndetur trajneri nga Ulqini i cili ka 11 vite që stërvit ekipin Shkodra Tennis Club, Dino Mehmedoviç i shpallur trajneri i vitit 2024, tenistja Anatereza Guli- Tenistja e Vitit 2024 (U18) dhe Gresi Bajri- Tenistja më e mirë në arenen ndërkombëtare..
Për tu theksuar është se bazuar në rezultatet e regjistruara gjatë vitit 2024, Shkodra Tennis Club ka qënë absolutisht më i miri në Shqipëri. Jo vetëm si ekip që ka marrë trofeun e vendit të parë, por edhe atë të trajnerit më të mirë Dino Mehmedoviç, si dhe gjashtë çmime të tjera individuale.
Çmimet e fituara nga Shkodra Tennis Club për vitin 2024
Shkodra Tenis- Klubi më i mirë i vitit 2024 në Shqipëri
Dino Mehmedoviq- Trajneri i vitit 2024
Dasli Kotrri- Tenisti i Vitit 2024 (U10)
Siara Tola- Tenistja e Vitit 2024 (U10)
Nergis Nikprelaj- Tenistja e Vitit 2024 (U12)
Enki Hyseni- Tenistja e Vitit 2024 (U16)
Anatereza Guli- Tenistja e Vitit 2024 (U18)
Gresi Bajri- Tenistja më e mirë në arenen ndërkombëtare
Pjesë e kësaj feste, e cila u shoqërua edhe me një koktej në fund për pjesëmarrësit ishte edhe ndarja e dhuratave për secilin lojtar të klubit, shpërndarë nga tenisti kampion Visar Gruda, Presidenti i Shkodra Tennis Club, Mark Gjeka, si dhe anëtarët e Kryesisë, Kliti Hoti dhe Gëzim Galiqi.
(Video) Ceremonia e mbylljes së vitit 2024 nga Shkodra Tennis Club, fitues i trofeut si ekipi më i mirë në Shqipëri, si dhe 7 çmime individuale nga ky klub.
Gaspër MARKU
