Vllaznia vazhdon të bëjë afrime në merkato, ndonëse ka të bllokuar transferimet e futbollistëve nga FIFA për shkak të detyrimeve të prapambetura ndaj lojtarëve dhe ish-lojtarëve. Pas Serjan Repajt, kuqeblutë kanë firmosur me lojtarin një kontratë 6 mujore me të drejtë zgjatje edhe për një vit tjetër.
Bëhet fjalë për Alfred Mensa, sulmuesi 25-vjeçar, i cili në gjysmën e parë të sezonit ishte pjesë e skuadrës së Ballkanit në Superligën e Kosovës.
Njoftimi i klubit:
𝐙𝐘𝐑𝐓𝐀𝐑𝐄:
𝐀𝐋𝐅𝐑𝐄𝐃 𝐌𝐄𝐍𝐒𝐀𝐇 𝐕𝐈𝐒𝐇𝐄𝐓 𝐊𝐔𝐐𝐄𝐁𝐋𝐔
KF Vllaznia ka kënaqësi të njoftojë firmosjen e kontratës me futbollistin Alfred Mensah. Sulmuesi 25 vjeçar në gjysmën e parë të sezonit ka qenë pjesë e FC Ballkanit dhe nga dita e sotme zyrtarisht është pjesë e skuadrës tonë.
Me të, klubi ka firmosur një kontratë 6 mujore me të drejtë zgjatje edhe për një vit tjetër.
