Vllaznia fitoi të dielen miqësoren ndaj Skënderbeut me rezultatin 2-3, takim ky i luajtur në stadiumin Skënderbeu” të Korçës. Një ndeshje kjo e domonuar tërësisht nga skuadra kuqeblu, me një Ardit Hoxhaj që vazhdon të shënoi nga ndeshja në ndeshje ku edhe në sfidën ndaj korçarëve tundi dy herë rrjetërn e portjerit Ruçi. Ndërkohë, golin e tretë për kuqeblutë që rezultoi të jetë edhe goli i fitores për kuqeblutë e shënoi Çoba në minutën e 88-të, kur më herët dy golat korçarë me autorë Liço dhe Beçka, përkatësisht në minutat 72 dhe 76 e kishin barazuar rezultatin në 2-2. Në prononcimin e dhënë pas ndeshjes, teksa flet për takimin në fjalë, trajneri i kuqebluve Mirel Josa, shpreh shqetësimin e treshes, Aralica, Latifi dhe Mala, për të cilët thotë se nuk janë akoma në gjendjen e tyre më të mirë për t’i shërbyer skuadrës. Me zhvillimin e kësaj miqësoreje, Vllaznia ka mbyllur ditët përgatitore të Pogradecit dhe është kthyer në Shkodër për të vijuar proçesin stërvitor për ndeshjen e parë zyrtare të kampionatit që luhet të shtunën në kampionat përballë Erzenit në transfertë.
(Video: Prononcimi i trajnerit kuqeblu, Mirel Josa, pas ndeshjes miqësore, Skënderbeu-Vllaznia 2-3)
