Në fillim gushtin e këtij viti, Xhesild Kapllanaj firmosi një kontratë zyrtare me ekipin e parë të KF Vllaznia. I konsideruar si talenti i radhës që prodhon Akademia e Futbollit Vllaznia, tek djaloshi 18-vjeçar që vjen nga zona e Postribës, drejtuesit e klubit kuqeblu konstatojnë vlera të padiskutueshme rreth së ardhmes së tij.
E ndërkohë që stërvitet nën drejtimin e trajnerit Edi Martini, Kapllanaj aktivizohet me Vllazninë U19, ku në ndeshjen e fundit ndaj Laçit kryesues të Superligës së kësaj kategorie shënoi golin e fitores për ngjyrat kuqeblu.
Në prononcimin e dhënë për Veriu Sport, Kapllanaj, shprehet i kënaqur për golin, aq më teëpr që ky gol ishte vendimtar për fitoren e ekipit.
I kënaqur shprehet Xhensildi edhe për nënshkrimin e kontratës me ekipin e parë, ndërkohë që shpreson të fitojë besimin e trajnerit Martini për të marrë minuta.
Kapllanaj është pjesë edhe ekipit kombëtar U19, duke besuar se fanela kuqezi do ta shoqërojë edhe me ekipin e parë, ndërkohë që dëshira dhe objektivi i tij personal është që jo shumë larg të luaj për një skuadër europiane.
(Video) Prononcimin e plotë të futbollistit kuqeblu, Xhesild Kapllanaj mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
