Veleçiku i Koplikut është në rrugën e duhur. Sidomos në fazën e dytë paraqitjet e skuadrës së drejtuar nga trajneri Haris Lika janë tepër të mira. Këtë e vertetojnë edhe pesë fitoret radhazi, të cilat e kanë pozicionuar Veleçikun në vendin e tretë të tabelës së klasifikimit me 35 pikë, dy më pak sesa vendi i dytë që e mban Luzi 2008 dhe tre më pak sesa Oriku kryesues i Grupit A të Kategorisë së Dytë me 38 pikë.
36 gola kanë shënuar koplikasit deri tani në 16-të javë kampionat, ku vetëm në javën e fundit tundën 7 herë rrjetën e portës së kundërshtarit. Bëhet fjalë për ndeshjen, Internacional-Ada, e cila përfundoi me fitoren e thellë të koplikasve 0-7, ndër të cilët 3 i përkasin sulmuesit shtatlartë, Arenc Dibra, ndërkohë që 4 të tjerët mbajnë autorësinë e të zakonshmit Banushaj, Shekaj, Elbasani dhe Bega.
Ndërkohë, java e 17-të e Kampionatit Kombëtar të Kategorisë së Dytë, Grupi A, ka rezervuar përballjen Veleçiku-Ada. Një sfidë kjo e konsideruar si derbi verior, e cila, ashtu si edhe me ato që luhen me Murlanin, ka filluar të krijojë një traditë të mirëfilltë për futbollin verior të Kategorisë së Dytë.
Sipas kalendarit të FSHF-së, ndeshja në fjalë do të luhet në fushën sportive të Kompleksit Sportiv Duli në qytetin e Koplikut duke filluar nga ora 14:00. Një sfidë ko shumë e rëndësishme kjo për të dyja skuadrat, të cilat në fakt luftojnë për objektiva të ndryshme. Veleçiku, që kërkon të kapë kreun e renditjes për realizimin e objektivit të kualifikimit në Kategorinë e Parë, ndërkohë që për velipojakët e drejtuar nga Arbër Shytani që për momentin renditen në vendin e 10-të me 12-të pikë, kërkohen pikët e mbijetesë.
(Video: Pamje nga ndeshja, Internacional-Ada 0-7, si dhe prononcimi i trajnerit të Veleçikut, Haris Lika pas ndeshjes)
