Vllaznia-Partizani 0-3
(7-25, 18-25, 21-25)
E mërkurë, 25 janar 2023, ora 18:30, Pallati i Sportit “Qazim Dervishi” Shkodër
Vllaznia: Nikolin Qafarena, Esmirald Peraj, Mario Lugaj, Endri Jukni, Visar Lleshi, Gentjan Curraj, Ardit Taflaj, Gilman Talani, Gersi Jula, Erid Daniku, Sidorel Pepaj, Mario Lugaj, Enid Daniku, Ditmir Rrashketa. Trajner: Artan Kalaja, Ermal Kraja
Partizani: Zhenklaud Muça, Paskal Ozokoye, Muharrem Deliu, Eldon Xjija, Dieu Ndahayo, Izuchukëu Oforah, Xhoi Osmani, Klajdi Mexhaj,Osman Çepa, Brajan Thano, Taulant Tepelena. Trajner: Ylli Tomorri. Elton Tukseferi, Palvita Kalaj
Gyqtarë: Enri Zenullari, Ardit Nurja. Sekretar: Juled Doniku
Federata Shqiptare e Volejbollit, muajin janar e ka lënë në dispozicion të ndeshjeve për Ligën Kombëtare “Gjergj Kastrioti”. Kështu, krahas ballafaqimit të femrave, Vllaznia-Skënderbeu, takim ky i fituar nga skuadra korçare me rezultatin 0-3, në pallatin e sportit “Qazim Dervishi” të Shkodrës u luajt ndeshja tjetër e volejbollit meshkuj, Vllaznia-Partizani.
Një ndeshje që nisi në mënyrën më të keqe për skuadrën kuqeblu, pasi shifrat 7-25 në favor të Partizanit për setin e parë, flasin vetë. Por, më pas me ndërhyrjen e trajnerit Artan Kalaja, Vllaznia e përmirësoi ndjeshëm lojën e saj, gjë që u pa me rivalitetin e setit të dytë, që gjithësesi fitohet përsëri nga Partizani me rezultatin 18-25.
Seti më i bukur ishte i treti, ku për hirë të së vertetes rivaliteti deri tek pika e 21-të ishte i madh. Por, më pas Partizani i drejtuar nga trajneri me përvojë Ylli Tomorri, në përbërje të të cilit luanin edhe tre volejbollistë të huaj, arrin të mbyllë setin e tretë me fitore, 21-25 dhe të gjithë ndeshjen me sete, 0-3.
Për t’u theksuar është se në radhët e skuadrës kuqeblu është rikthyer edhe volejbollisti me përvojë, Ditmir Rrashketa, ndërkohë që trajneri Kalaja po i jep besimin e duhur elementit të ri, mes të cilëve në këtë ndeshje spikati, Mario Lugaj.
Trajneri i Partizanit, Ylli Tomorri, shprehet i kënaqur me skuadrën e tij, ndërkohë që vlerëson edhe Vllazninë, e cila sipas tij duhet të ketë më tepër mbështetje në aspektin financiar. Me fitoren e arritur në Shkodër, Partizani kryeson grupin “B” të Ligës Kombëtare “Gjergj Kastrioti”.
(Video) Ndeshja e plotë e volejbollit meshkuj, Vllaznia-Partizani 0-3(Liga Kombëtare “Gjergj Kastrioti)
