Ashtu siç e kishte paralajmëruar edhe më herët, trajneri i Vllaznisë Qatip Osmani, ka vendosur që në ditët e ndërprerjes së kampionatit për arsye të ndeshjeve të kombëtares së Shqipërisë në kualifikueset Euro 2024, të zhvillojë një ndeshje miqësore.
Dhe, kjo tashnë vëndosur, që pasditen e së shtunës, Vllaznia të ndeshet në një miqësore me ekipin e Kastriotit të Krujës. Një ballafaqim ky që pritet t’i shërbejë teknikut Osmani për testimin e skuadrës së tij në prag të ndeshjes zyrtare që do të luhet me datë 24 nëntor përballë Laçit.
Ditët përgatitore, por edhe miqësorja e nesërme, janë një avantazh shumë i madh për shqiptaro-maqedonasin e pankinës kuqeblu në drejtim të një njohje më shumë të skuadrës. Ndaj, në këtë këndvështrim, miqësorja e së shtunës pritet me shumë interes nga opinion sportiv shkodran, për të parë lëvizjet më të fundit në formacion, pasi, nga sa bëhet e ditur, do të ketë hapësira të shumta aktivizimi edhe për lojtarët e stolit, dhe sidomos ato të rinjë.
Ndërkohë, me interes, kjo miqësore është edhe portjerin e ri Tomas Kiri, 19 vjeçarin shkodran, titull në kombëtaren U-19, që pas Akademisë Vllaznia u bë pjesë e Tiranës, ndërkohë që këtë sezon ka kaluar në formë huazimi nga bardheblutë tek Kastrioti për hapësira më të shumta aktivizimi.