Vllaznia-Elbasani 3-3(Lila 16’(aut), Musta 57’(aut), Krymi 88’/Lajthia 26’, 50’, Olberkis 96’)
Penalltitë:
Vllaznia: Gurishta +, Bajrami -, Deliu -, Qato +, Balaj +, Gruda +, Krymi +
Elbasani: Lukili +, Musta +, Lila -, Dros +, A.Kasa-, Gjoni +, Olberkis-
Vllaznia:Jukaj,Gurishta,Bajrami,Stojanoviç,Çoba(Pusi 93)(Mensah 105),Sala(Qato 86),Deliu,Krymi,Mala(Gruda 86),Balaj,Dodaj(Jago 77) Trajner:Tomas Brdariç
Elbasani:Abalora,Lila,Olberkis,Lulaj(Qaqi 114),Musta,Dros,Ibrahim(A.Kasa 62),Qose(Gjoni 91),Lajthia(K.Kasa 114),Gomes(Lukili 68),Xhoel(Tsague 68) Trajner:Ivan Gvozdenoviç
Gjyqtarë: Klodian Shahini,Fatmir Lama(Durrës),Aurel Topi(Fier),Adrian Beqiraj(Tiranë) Var:Andi Koçi(Durrës) Avar:Olsid Ferataj(Patos) Delegat:Bujar Pregja(Tiranë) Vëzhgues:Kridens Meta(Tiranë)
Vllaznia kalon në gjysmëfinalet e Kupës së Shqipërisë, pasi ka mundur me penallti Elbasanin, në mbyllje të një ndeshje që dhuroi 6 gola në 120 minutat e saj.
Një ndeshje që nis më mirë për vendasit ku në dy momente krijon hapësira në zonën e Elbasanit dhe Balaj e Stojanoviç që nuk meren vesh e më pas Mala nuk arritën të gjejnë rrugën e rrjetës. Përgjigjet Elbasani që kërkon të vërë në vështirësi Vllazninë aty ku sulmuesi Gomes që nis një aksion të shpejtë dhe fton në hyrje të zonës Xhoel por ky i fundit gabon në goditje. Vllaznia nuk e ul ritmin e lojës dhe një harkim nga goditja e dënimit gjen të papërgatitur mbrojtësin Lila i cili në përpjekje për ta larguar topin nga zona e devijon në rrjetën e skuadrës së tij.
Vllaznia kërkon të gjej golin e dytë të ndeshjes dhe tenton me një harkim të Gurishtës në drejtim të sulmuesit Balaj por topi shkon në duart e portierit Abalora. Atë që nuk e bën Vllaznia e bën Elbasani i cili hidhet i gjithi në sulm dhe është Gomes që pason në qendër për Lajthinë i cili nuk e ka të vështirë të depërtojë mes mbrojtësve,kalon Jukajn dhe çon topin në rrjetë duke barazuar rezultatin në 1-1. Në minutat e mbetura Elbasani krijon dy mundësi për të rrezikuar portën e Vllaznisë por asnjë prej lojtarëve nuk gjuan në drejtim të portës. Është Vllaznia që e mbyll në sulm me një aksion të shpejtë me anë të Dodaj por sulmuesi gabon në momentin e fundit. Gjithë pjesa e parë mbyllet me shifrat e barabarta 1-1 me të dyja skuadrat që do të bëjnë të pamundurën për të mos e çuar ndeshjen drejtë shtesave apo 11 metërshave.
Pjesa e dytë nis po me Vllazninë në sulm dhe është Balaj që fton Deliun në hyrje të zonës por goditja e mesfushorit shkon në goditje këndi,pas harkimit nga këndi është Balaj që gjuan më kokë por topi shkon mbi tra. Një gabim në mesfushë i Vllaznisë është dyshja Gomes dhe Xhoel që nisin një kundërsulm dhe sulmuesi i krahut gjen në hyrje të zonës Lajthinë me këtë të fundit që pa u menduar dy herë godet duke realizuar një gol të bukur,e duke kaluar Elbasanin në avantazh. Pas golit Elbasani hidhet në sulm për të gjetur golin e sigurisë dhe në dy momente është Lulaj dhe Gomes që shënjestrojnë portën e Jukaj por asgjë për tu shënuar. Vllaznia gjen hapësirë në zonën e Elbasanit dhe arrin të fitoj një goditje këndi,e pas harkimit nga flamuri i këndit në shtyllën e dytë është mbrojtësi Gurishta që godet fluturimthi e devijimi i mbrojtësit Musta e bën të kot hedhjen e portierit Abalora duke barazuar ndeshjen.
Janë disa pasime të të dyja skuadrave por që më tepër për të qetësuar lojën. Është Vllaznia e cila krijon një tjetër mundësi të pastër me anë të sulmuesit Dodaj por goditja e tij shkon përmbi tra,pas devijimit që i bëri portieri Abalora. Është Lajthia për Elbasanin që bënë gjithçka mirë në krahun e djathtë më pas krosimi i tij largohet nga mbrojtja e Vllaznisë,duke larguar kështu rrezikun. Rreziku numër një i mbrojtjes së Elbasanit ishte sulmuesi Dodaj i cili krijon hapësira në sulmin e Vllaznisë por krosimi i tij është i gabuar. Qarkullim i topit sa në një gjysmëfushë në tjetrën,por asnjë nga skuadrat nuk gjen hapësirën për të provuar portën kundërshtare.
Vllaznia tenton gjithçka në minutat e fundit dhe fillimisht është Qato që lëshon një silur nga distanca dhe Abalora e devijon në goditje nga këndi,krosimin nga flamuri i këndit e shfrytëzon Krymi që gjen golin e tretë dhe të kualifikimit për Vllazninë. 3-2 shifrat në një ndeshje të çmendur me Vllazninë që bënë gjithçka mirë në këtë ndeshje duke gjetur golat dhe kualifikimin përballë Elbasanit. Kur u mendua se ndeshja do të përfundonte me shifrat 3-2 është Elbasani që barazon shifrat në sekondat e fundit të minutave shtesë. Është Olberkis i ardhur në ndihmë të sulmit mposht portierin Jukaj duke çuar shifrat në 3-3. Koha e rregullt mbyllet me këto shifra me ndeshjen që i drejtohet shtesave dy herë nga 15 minuta. Në shtesa, ekipet ruajtën rrjetën të paprekur dhe si rrjedhojë u deshën gjuajtjet e penalltive për të përcaktuar fituesin. Abalora priti dy gjuajtje nga pika e bardhë, por gabimet nga ana tjetër e Lilës, Kasës dhe Olberkis, bënë që në fund të ishte Vllaznia që festonte kualifikimin mes 4 skuadrave më të mira në Kupë.
`Fatos LAMAJ