Zgjedhja e Presidentit të Federatës Shqiptare të Futbollit, Armand Duka, si anëtar i Komitetit të Federatave Anëtare të FIFA-s (Member Associations Committee) për një mandat katërvjeçar, është përshëndetur nga ana e KF Vllaznia.
“KF Vllaznia uron Presidentin e Federatës Shqiptare z.Armando Duka për zgjedhjen e tij si anëtar i Komitetit të Federatave Anëtare të FIFA-s për katër vitet e ardhshme!
Një nder dhe përgjegjësi e madhe, që pasqyron jo vetëm suksesin personal, por edhe një hap të rëndësishëm për futbollin shqiptar dhe rrugëtimin tonë të përbashkët.”, shkruhet në faqen zyrtare të klubit kuqeblu.
Nga sa bëhet e ditur, ky komitet ka për qëllim të mbështesë federatat anëtare në zhvillimin e tyre institucional dhe teknik, si dhe në zbatimin e politikave të qeverisjes së futbollit.
Zgjedhja e Presidentit Duka në këtë strukturë përbën një vlerësim të rëndësishëm për futbollin shqiptar dhe për kontributin e tij shumëvjeçar në arenën ndërkombëtare, ku ai prej vitesh është gjithashtu Zv.President i UEFA-s, anëtar i Komitetit Ekzekutiv të UEFA dhe Kryetar i Komitetit të Medias në UEFA.
SESCTION 2
