Zvicra do të nisë nesër në orën 11:00 Kupën e Botës teksa përballë Kamerunit.
Te skuadra e zvicrës luajnë shqiptarët Granit Xhaka dhe Xherdan Shaqiri mes tyre kanë edhe një lojtar tjetër me origjinë shqiptare, Ardon Jasharin.
Para ndeshjes, kapiteni Xhaka foli në konferencën për shtyp.
“Ne jemi gati të shkruajmë historinë. Jemi të përgatitur shumë dhe besoj se kemi pasur kohë të mjaftueshme por është më e lehtë të flasim këtu sesa ta bëjmë në fushë. Ne duhet të japim maksimumin që nga minuta e parë dhe të dominojmë kundërshtarin.
Nuk do të thoja se ky është ekipi më i mirë që kemi. Ne jemi gati të shkruajmë historinë, jemi të qetë dhe duam të fillojmë mirë dhe shpresojmë për të dalë me tre pikë.”-u shpreh mesfushori i Arsenal.
