Çfar po ndodh me Vllazninë! Ajo që të afron njoftimi zyrtar i KF Vllaznia, më i fundit, i vetëm pak minuta më parë, bën të ditur se ndeshja e parë e Konferëencë Ligë, ku Vllaznia është pritëse do të luhet në stadiumin “Elbasan Arena”.
Vërtet, prej dy-tre ditësh, opinioni sportiv shkodran dhe më gjërë, është njohur me një debat të pazakontmë në distancë, mes KF Vllaznia dhe Bashkisë Shkodër, në qëndër të cilit ka qënë koncerti i artistit të madh, Bujar Qamili, i planifikuar për t’u mbajtur me datë 21 qershor në stadiumin “Loro Boriçi”, për të cilin drejtuesit kuqeblu kanë kundërshtime të forta.
Por, që të shkojë puna kaq thellë, sa ndeshjen e mirëpritur të Kupave të Europës ndaj ekipit letonez, tifozët shkodranë duhet të udhëtojnë drejt Elbasanit për ta ndjekur prej së afërmi, askush nuk e kishte besuar.
Duke pasur një impiant modern sportiv si stadiumi “Loro Boriçi”, padyshëim ndër më të mirët në rajon, falë këtyre polemikave, Vllaznisë së fushës së lojës si dhe fansave të saj kuqeblu, do t’i duhet të udhëtojnë drejt Elbasanit.
Mos e beso, po deshe!!!!!!!, por krejt e vertetë, aq sa tashmë gjithçka është depozituar edhe në institucionin më të lartë të UEFA-s.
Njoftimi zyrtar i KF Vllaznia
𝐔𝐄𝐅𝐀 𝐂𝐎𝐍𝐅𝐄𝐑𝐄𝐍𝐂𝐄 𝐋𝐄𝐀𝐆𝐔𝐄 | 𝐓𝐔𝐑𝐈 𝐈
𝐊𝐅 𝐕𝐋𝐋𝐀𝐙𝐍𝐈𝐀- 𝐁𝐅𝐂 𝐃𝐚𝐮𝐠𝐚𝐯𝐩𝐢𝐥𝐬 (𝐋𝐕𝐀)
E enjte, 10 korrik
20:00
Stadiumi “Elbasan Arena”
Forca Vllaznia
Vllaznia, një jetë, dy ngjyra, një skuadër.
