Erzeni dhe Vllaznia, janë gati për startin e ndeshjes së javës së 19-të të kategorisë Abissnet Superiore. Ndeshja në fjalë do të luhet në stadiumin “Niko Dovana” të qytetit të Durrësit duke filluar nga ora 19:00, ndërkohë që për momentin skuadrat janë në fushën e lojës duke zhvilluar nxemjen e zakonshme.
Drejtuesit kuqeblu kishin paralajmëruar që ditën e djeshme për aktivizimin e blerjes më të re, Bekim Balaj, nga minuta e parë në këtë ndeshje. Dhe, tashmë një gjë e tillë është zyrtare, pasi shtatlarti shkodran është përfshirë në formacionin e parë duke sjellë kështu një lajm shumë të mirë për kampin kuqeblu.
Kjo është ndeshja e tretë për Bekim Balaj, që prej momentit të firmosjes për Vllazninë që aktivizohet me kuqeblutë. Në dy sfidat e para, me Laçin në stadiumin “Loro Boriçi” dhe ndaj Bylisit në transfertë, bjondi shkodran është aktivizuar si zëvendësuaes në pjesët e dyta, ndërsa, sot do të jetë në lojë nga minuta e parë.
Formacionet zyrtare të ndeshjes:
ERZENI: Xhika, Iljazi, Krasniqi, Kahrimanoviç, Kriviçiç, Mehmeti, Alan, Peposhi, Ademi, Nonato, De Souza. Trajner: Xhevahir Kapllani
VLLAZNIA: Zogoviç, Smajli, Shehi,Heriç, Gurishta, Hakaj, Jonuzi, Alivoda, Hoxhaj, Balaj, Mala. Trajner: Mirel Josa
