Pasditen e së dieles së kaluar, gjatë kohës që skuadrat e Vllaznisë dhe Tërbunit po kryenin nxemjen për miqësoren e planifikuar, Veriu Sport, konstatoi që në koridoret e stadiumit “Loro Boriçi”, drejtori teknik i Tërbunit Viktor Gjonaj së bashku me trajnerin e skuadrës pukjane Elvin Beqiri po bisedonin me ish mesfushin e Vllaznisë Alsid Tafili për mundësinë e bashkimit të tij me kampin pukjan. Ndërkohë, gjërat kanë avancuar dhe pikërisht mbrëmjen e sotme ka ardhur zyrtarisht firma e Tafilit me Tërbunin.
Më poshtë ndiqni postimin zyrtar të KF Tërbuni ka publikuar me këtë rast.
ZYRTARE:
Klub Futboll TËRBUNI PUKË njofton të gjithë tifozët Pukjanë se ka firmosur për gjashtë muaj me mesfushorin, #AlsidTafili me opsion rinovimi dhe për një sezon tjetër. TËRBUNI dhe të gjithë tifozët Pukjanë i urojnë mirëse ardhjen në ekipin tonë ku pas 13 viteve rikthehet në shtëpi dhe shpresojmë që të japë gjithçka për fanellen tonë #kuqebardh ku mbështetja jonë nuk do ti mungojë në asnjë moment si para 13-të viteve! Urime dhe shumë suksese të dëshirojmë Alsid!
Karriera e tij futbollistike:
Emri: Alsid
Mbiemri: Tafili
Shtetësia: Shqiptar
Datëlindja: 20 Gusht 1987
Mosha: 34 vjeç
Shteti i lindjes: Shqipëri
Qyteti i lindjes: Shkodër
Pozicioni në fushë: Mesfushor
07/08 | K.F. Vllaznia Shkodër U-19
08/09 | K.F. TËRBUNI PUKË
09/10 | K.F. Laçi
10/11 | K.F. Teuta Durrës
11/12 | Panachaiki F.C.
12/13 | K.F. Vllaznia Shkodër
13/14 | K.F. Vllaznia Shkodër
14/15 | K.F. Vllaznia Shkodër
15/16 | F.K. Partizani Tiranë
16/17 | K.F. Vllaznia Shkodër
17/18 | K.F. Vllaznia Shkodër
18/19 | K.F. Vllaznia Shkodër
19/20 | K.F. Liria Prizren
20/21 | K.S. Besa Kavajë
21/22 | K.S. Besa Kavajë
