“Gazeta Shkodra Sport Online”, festoi në mjediset komode të Hotel “Votra” të qytetit të Shkodrës, 10 vjetorin e krijimit të saj. Kolegë mediatikë nga Shkodra, Tirana dhe rrethe të tjerë të Shqipërisë, sportistë, trajnerë dhe drejtues të sportit, përshëndetën dhe vlerësuan punën profesionale të gazetës në vite. Një përshëndetje speciale erdhi në këtë ceremoni edhe nga portali “Veriu Sport”, duke uruar personalisht gazetarin e mirënjohur sportiv dhe njëkohësisht drejtuesin e gazetës, Gjergj Kola, i cili së bashku me stafin e tij, kanë qënë dhe vazhdojnë të jenë një dritare informative model për sportin shkodran, atë shqiptar dhe ndërkombëtar në përgjithësi.
