Vllaznia luan të shtunë në “Loro Boriçi” kundër Skënderbeut. Sfida e orës 16:45 vlen për javën e 31 të Superligës, teksa kanë mbetur gjashtë ndeshje nga fundi i kampionatit.
Në fazën finale të sezonit, trajneri i shkodranëve Elvis Plori ka marrë një lajm të mirë. Me grupin është bashkuar së fundmi edhe Da Silva, që mungonte prej disa javësh për shkak të dëmtimit.
Braziliani është rikthyer në stërvitje dhe mund të jetë nga minuta e parë kundër korçarëve. Me të jashtë, manovra sulmuese e kuqebluve dukshëm nuk ka qenë e rrezikshme, teksa janë shënuar vetëm dy gola në pesë sfidat e fundit.
