Me të drejtë vëmendja është kthyer nga suksesi madhështor i kampiones dhe rekordmenes së Europës, atletes LUIZA GEGA, por na duhet të vëmë në pah edhe suksesin e disa sportisteve të tjera femra që po na nderojnë në arenën europiane.
Bëhet fjalë për Vllazninë e femrave që po e kthen në traditë kalimin në raundin e 32 ekipeve më të mira në Champions League. Në këtë edicion, vajzat e Vllaznisë mposhtën 1-0 ekipin sllovak Spartak Myjava.
Respekt për të gjitha vajzat duke nisur me portieren e Kombëtares, Viona Rexhepi, lojtaret e tjera po kuqezi si Luçie Gjini, Sara Maliqi, Arbenita Curraj, Esmeralda Franja, Gresa Berisha, goleadorja Megi Doçi, vajzat nga Kosova Donjeta Halilaj e Jehona Shala (shënuese e golit ndaj ekipit sllovak), Edona Kryeziu e Rrezona Ramadani, vajzave amerikane Knox, Patterson dhe Cavanaugh dhe në fund, sigurisht trajnerit tepër të suksesshëm, Nikolin Leka.
Gëzimit të kualifikimit të Vllaznisë i shtohet edhe fitorja e bukur e Hajvalisë nga Prishtina që mposhti 7-0 moldavet e Anenii Noi ku natyrisht spikati me katër gola Fortesa Berisha. Shënuan edhe Fatlinda Ramaj, Feride Kastrati dhe mesfushorja e Kombëtares së Shqipërisë, Qëndresa Krasniqi. Trajner i Hajvalisë është Suad Keçi, një tjetër emër i njohur i futbollit.
Florent Hoxha-SHBA
