Humbja me Dinamon për javën e 20-të të Kampionatit Kombëtar të kategorisë së parë është shoqëruar me zhvillime të reja në kampin vlonjat. Spostimi në vendin e tretë të renditjes me 35 pikë, 3 larg Skënderbeut kryesues dhe 2 nga blutë dinamovitë që mbajnë vendin e dytë, ka detyruar drejtuesit e klubit të Flamurtarit të bëjnë ndryshimi me synim realizimin e objektivit të kualifikimit në Superiore.
Për këtë, FC Flamurtari, njoftoi ndërprerjen e bashkëpunimit me trajnerin brazilian, Marselo Troisi, ndërkohë që mbrëmjen e sotme ka zyrtarizuar në pankinë, italianin, Diego Longon.
Nga sa bëhet e ditur, trajneri i Diego Longo, ka mbërritur në Vlorë pasditen e së enjtes ndërkohë që në orët e mbrëmjes ka nisur menjëherë stërvitjen në stadiumin “Flamurtari’ nën ndriçimin e prozhektorëve të stadiumit vlonjat.
Ndërprerja e kampionatit për shkak të ndeshjes së kombëtares kuqezi, konsiderohet pozitive për trajnerin Diego Longo, duke pasur disa ditë më shumë në dispozicion në përgatitjen e skuadrës për ndeshjen e ardhshme, e cila në kuadrin e javës së 21-të do të luhet në transfertë me dervin vlonjat, Oriku-Flamurtari.
