Granada mposhti Leganes me rezultatin 2-0 dhe pas një viti rikthet në elitën e futbollit spanjoll. Ylli i Kombëtares shqiptare, Myrto Uzuni nuk ka të ndalur i cili arriti të realizonte golin e avantazhit për skuadrën e Granadës në minutën e 42-të ndaj Leganes, duke bërë që fragmenti i parë të lojës të mbyllet me shifrat 1-0.
Një gol me aromë La Ligë ky për shqiptarin, që është padyshim lojtari i sezonit te Granada.
Ky ishte goli i 23-të në kampionat për Uzunin, që meriton notën 10 për gjithçka ka dhënë për skuadrën e tij.
