Pas ndeshjes së parë të javës së 23-të, atë Egnatia-Laçi, e cila u mbyll në barazim, 0 me 0, dy duelet e tjera të ditës së sotme, janë Vllaznia-Teuta dhe derbi, Dinamo-Partizani.
Sa i përket përballjes në stadiumin “Loro Boriçi”, të dyja skuadrat kanë delklaruar se futën në fushën e lojës për fitore. Kuqeblutë për të mbajtur ritmin e tetë ndeshjeve pozitive, 6 fitore dhe dy barazimet në fund duke kërkuar qëndrimin në mes katër skuadrave më të mira të Superiores.
Ndërkohë, Teuta, e cila është e parafundit në renditje kërkon patjetër pikë në Shkodër për t’iu larguar zonës së “ftohtë” të largimit nga kategoria.
Në pritje të orës 17:00, kur starton edhe kjo ndeshje, dy trajnerët kundërshtarë, Qatip Osmani i Vllaznisë dhe Edi Martini i Teutës kanë zyrtarizuar formacionet e para të skuadrave të tyre.
VLLAZNIA: Qarri, Smajli, Stojanoviç, Juriç, Hakaj, Krymi, Alivoda, Boshnjaku, Mala, Gruda, Balaj. Trajner: Qatip Osmani
TEUTA: Vata, Kruja, Gjini, Jazxhi, Kotobelli, Daja, Gjinollari, Arifi, Peposhi, Çyrbja, Daci. Trajner: Edi Martini
