Ardit Nikaj ishte heroi i Skënderbeut në sfidën kundër Laçit. Me golin e realizuar në minutën e 90’, ai i dhuroi fitoren skuadrës së tij. Pas sfidës sulmuesi u shpreh i lumtur dhe se do të japin maksimumin në ndeshjen e ardhshme që është me Vllazninë.
“Është një kënaqësi e madhe, jam i lumtur për golin dhe që e ndihmova skuadrën të fitojë. Falenderoj çunat që morëm këtë 3 pikësh. Dedikimi është për skuadrën, çunat dhe stafin. Është akoma herët për të folur për katërshen, pasi ka ende ndeshje. Ti marrim me radhë dhe të fokusohemi tek ndeshja e ardhshme.”, tha Nikaj në prononcimin e dhënë pas ndeshjes, për “MCN TV”.
Ndërkohë, i pyetur nga analisti Lirim Zalla, për javën e ardhshme kur skuadra e tij Skënderbeu do të luajë kundër Vllaznisë ku u rrit si futbollist, Ardit Nikaj, tha se “zemra më thotë që të hyjmë në fushë dhe të japim maksimin në këtë ndeshje”.
