Shqipëria do të luajë kundër Spanjës të hënën e 24 qershorit sfidën e fundit të grupit B në Euro 2024. Kuqezinjtë kanë nevojë për një fitore për tu kualifikuar në turin tjetër të kompeticionit, ndërsa spanjollët janë kualifikuar tashmë mes 16-të më të mirave të Kampionatit Evropian.
Po si është bilanci i përballjeve mes dy skuadrave? Bilanci anon dukshëm nga Spanja, që ka fituar të gjitha ndeshjet që ka luajtur kundër Shqipërisë. 8 fitore në 8 takime për spanjollët.
Ndeshja e parë mes dy skuadrave është luajtur në vitin 1986, ndërsa sfida e fundit ka qenë një miqësore e luajtur në vitin 2022. Spanja e ka mposhtur Shqipërinë me rezultatin e thellë 9-0 në vitin 1990.
