Besa-Kastrioti 3-0(Shënues: Mazrekaj 45’+2′, 55′, 73′)
Besa e drejtuar nga trajneri i njohur Mirel Josa vazhdon serinë e rezultateve pozitive. Kavajasit marrin fitoren e katërt radhazi në kampionat dhe përforcojnë pozitat në krye të renditjes së Kategorisë së Parë me pikë të plota (12 pikë) pas 4 ndeshjeve të luajtura.
Mentor Mazrekaj është protagonisti absolut i Besës në këtë fitoren, ku 35-vjeçari ka shënuar tre gola në portën e krutanëve, duke i dhuruar një tjetër trepikësh të artë skuadrës kavajase.
Me këto gola të shënuar ndaj krutanëve, por edhe formën e mirë sportive që po tregon nga ndeshja në ndeshje Mazrrekaj duket se ka marrë përsipër që në këtë sezon futbollistik të “marrë përdore” Besen në rikthimin e saj në Superiore, si dhe në aspektin personal t itojë “Këpucën e Artë” si golashënuesi më i mirë i katëgorisë së parë.
Fatos LAMAJ
