Flamurtari dhe Skënderbeu kanë siguruar kualifikimin në turin e ardhshëm të Kupës së Shqipërisë duke mposhtur me të njëjtin rezultat 4-1 përkatësisht me Gramshin dhe Naftëtarin.
Flamurtari–Gramshi 4-1
Shënues:Barri 2’,Berisha 12’,14’,Doku 56’/Sadiq 74’
Flamurtari e nisi vrullshëm takimin duke kaluar në avantazh që në minutën e dytë me lojtarin Barri.
Më pas protagonisti ishte Berisha i cili realizoi dy herë brenda pak minutash në minutën e 12-të dhe në minutën e 14-të duke e çuar rezultatin në 3-0.
Në pjesën e dytë Doku shënoi golin e katërt për vlonjatët në minutën e 56-të ndërsa Gramshi ngushtoi diferencën në minutën e 74-të me Sadiq duke vulosur rezultatin përfundimtar 4-1 dhe kualifikimin e Flamurtarit.
Skënderbeu-Naftëtari 4-1
Shënues:Musa 2’,Bismark 43’,Braga 44’, Tomas 90+1’/Agalliu 76’
Edhe Skënderbeu gjeti rrjetën që në minutën e dytë me Musa që zhbllokoi shifrat.
Në fundin e pjesës së parë, korçarët shënuan dy herë radhazi me anë të Bismark në minutën e 43-të dhe Braga një minutë më vonë duke e mbyllur fraksionin e parë në avantazhin 3-0.
Naftëtari shënoi me Agalliun në minutën e 76-të ndërsa Tomas, në minutën e 91-të vendosi shifrat përfundimtare 4-1. Një fitore që i siguron Skënderbeut vazhdimin e rrugëtimit në Kupën e Shqipërisë.
Fatos LAMAJ
