Pas humbjes të javës të së shtunës ndaj Partizanit për javën e 21-të të Abissnet Superiore, shkodrani i pankinës durrsake paralajmëroi dorëheqjen nga drejtimi i skuadrës. Dhe, një gjë e tillë është zyrtarizuar sot, gjë të cilën e konfirmon edhe vetë KF Teuta me njoftimin në fjalë:
Njoftimi i klubit:
Klubi i futbollit Teuta njofton përfundimin e bashkëpunimit me trajnerin Edi Martini. Gjatë këtij sezoni, Martini ka dhënë kontributin e tij në drejtimin e ekipit. E falënderojmë për punën dhe përkushtimin e tij dhe i urojmë suksese në karrierën e tij të mëtejshme. Në ditët në vijim, do të zyrtarizohet trajneri i ri që do të drejtojë ekipin tonë në sfidat e ardhshme.
