Armando Broja u shpreh tepër i lumtur pas triumfit 3 me 0 që Shqipëria regjistroi në shtepi ndaj Andorrës.
“Isha i lodhur, luajta 75 minuta. Ishte e vështirë, munda të filloja ndeshjen, dhashë edhe një asist, jam i kënaqur që fituam ndeshjen dhe morëm 3 pikët. Tifozët na japin mbështetje shumë të mirë, është gjë e bukur për ne që luajtëm përballë tifozëve. Isha shumë i kënaqur që u ktheva, munda të vija në Kombëtare dhe mora minuta.
Bogdani është legjendë për Kombëtaren, ishalla një ditë të mund ta kaloj. Unë edhe i vogël tek Akademia e Çelësit luaja kudo përpara. Më pëlqen të luaj me topin, të krijoj shanse. Andorra mbron shumë si ekip, është e vështirë të shkonim përpara, e dinim që në krah të djathtë do të kishim më shumë hapësira.
Unë isha i kënaqur që më dha trajneri pozicionin për të hyrë në fushë dhe të gëzoj tifozët.
Trajneri më dha liri përpara ndeshjes, për mos e ditur Andorra ku jam në fushë. Në pjesën e parë u krijova vështirësi, kam qejf të bëj gola, por unë isha i kënaqur që isha mirë fizikisht, morëm 3 pikë.
Trajneri i merr vendimet e skuadrës, për mua sot ka pasur vendim për të luajtur në krah sepse ka qenë stil i mirë, ka pasur hapësira për ne. Unë mund të luaj në çdo pozicion të sulmit, bëj çfarë do trajneri. Ishalla përpara me sa më shumë fitore”, deklaroi Armando Broja për “TV KLAN”.
