Ashtu siç është paralajmëruar që mbrëmë, KF Vllaznia ka prezantuar mesditen e sotme portjerin gjerman Leon Pohls, i cili që prej ditës së sotme konsiderohet pjesë e skuadrës kuqeblu duke qënë një forcë e gashtme në shërbim të trajnerit Edi Martini duke filluar që me ndeshjet e turit të dytë të UEFA Conference League.
28 vjeçari, i cili së fundmi ka qënëpjesë e klubi Shamrock Rovers ka firmosur kontratë njëvjeçare me të drejtë zgjatje edhe për një vit tjetër.
Me ardhjen e tij, rivaliteti për një një vend titullari në portën shtohet edhe më shumë, ku tashmë, krahas Qarrit, Jukajt dhe Bunjes, numri i portjerëve që do të stërvit trajneri i portjerëve, Ideal Lekiqi për një vend titullari në portën kuqeblu, shkon në katër.
Njoftimi zyrtar i KF Vllazni
KF Vllaznia dëshiron të bëjë të ditur se ka arritur një marrëveshje me klubin Shamrock Rovers për transferimin e portierit Leon Pohls. 28 vjeçari ka qenë prej 6 sezonesh pjesë e këtij ekipi dhe nga sot vishet kuqeblu teksa ka firmosur kontratë njëvjeçare me të drejtë zgjatje edhe për një vit tjetër.
Welcome Leon!
