Prononcimi i trajnerit të Dinamos, Ilir Daja, pas ndeshjes, Dinamo-Partizani (2-0)
“Kemi bërë një 25 minutësh të parë goxha të mirë, kemi kontrolluar gjithçka, pastaj e mori iniciativën Partizani, mund të kishim realizuar, duhet të ishim më cinikë. Derbi i sotëm kishte edhe spektakël brenda. Ishte një lojë e tensionuar, me situatat që ndodhnin në të dyja kampet. Me shënimin e golit, morëm lojën nën kontroll.
Në minutat që Partizani filloi të bëhej agresiv me presingun lartë, morëm masat tona, me golin e dytë mbyllëm gjithçka. Partizani ka grup të mirë lojtarësh që luajnë futboll. Ne vazhdojmë serinë e rezultateve pozitive, vazhdojmë të ngjitemi. Marrim lojtarë nga stoli dhe paraqiten mirë, janë bërë pjesë e grupit. Janë gjëra pozitive. Nuk do bëj mirë të flas për taktikën. Këtë ndeshje e fitojnë lojtarët. Kishim vetëm 2 ditë kohë për ta përgatitur ndeshjen. Nuk kemi kohën e duhur për të ndryshuar manovrën në maksimum. Fitorja i shkon të gjithë lojtarëve të mi, luftuan të gjithë bllok dhe të vazhdojmë rrugën drejt objektivave tona.
Ishte më shumë agresiv Maliqi në raport me Lorran, nga poshtë lartë. Kërcimi i Maliqit ishte më i mirë, se atë që bëri Lorran, ndaj kishim më të fortë krahun e djathtë se të majtin.
Nuk kishim veprime individuale. Vila më tha më ngeli topi, i thashë ta zgjidhte me majë. Distanca ishte e afërt. Ishte më shumë pjesa e lodhjes. Lojtarët nuk e kanë fresnikë e duhur. Në momentin që nuk e ke freskinë fizike, zgjidhjet nuk bëhen të gjitha të mira. Ishin të gjithë që i shërbenin njëri-tjetrit”, deklaroi Daja.
