Vllaznia-Tirana, ishte çifti i javës së katërt per Kupën e Shqipërisë në volejboll për femra.
Ndeshja e luajtur në pallatin e sporteve “Qazim Dervishi” te Shkodres ka prezantuar në fushën e lojës dy skuadra me nivele të ndryshme.
Vllaznia vendase me vajza të reja shkodrane dhe Tiranën kampione në fuqi, e përforcuar me lojtare të huaja, por edhe me talenten shkodrane, Sara Malaj, që në këtë duel ishte një nga më të mirat në fushën e lojës për të dyja ekipet.
Vajzat kuqeblu të drejtuara nga trajneri Dorjan Tafa bënë përpjekjet e duhura për të rivalizuar Tiranën, por vajzat e reja nuk mundën t’i bëjnë ballë kualiteteve bardheblu, mes të cilave spikaste edhe volejbollistja e talentuar shkodrane Sara Malaj.
17-25, 13-25 dhe 11-25, ishin shifrat e thella te tre seteve të regjistruara nga Tirana, e cila me fitoren e katërt radhazi, në po kaq ndeshje të grupt B, ka siguruar matematikisht kualifikimin në fazën finale.
Nga ana tjetër Vllaznia, me një fitore dhe 3 humbje, qëndron në vendin e fundit në grup, me pikë të barabarta me Teutën dhe Dinamon.
Ne prononcimet e dhena pas ndeshjes per Veriu Sport, trajneri i Vllaznise Dorjan Tafa, Tv.Trajneri i Tiranës, shkodrani Blerdi Sinani, kapitenia e Vllaznise Sarah Beci dhe volejbollistja e Tiranës, shkodranja Sara Malaj, analizojne takimin ne fjale.
Gaspër Marku
(Video) Prononcimet ne fjale mund t’i ndiqni ne kanalin tone zyrtar, Veriu Sport-YOUTUBE.
