Abisnet Superiore rikthehet sot sërish në fushë me tre ndeshjet e para mjaft interesante dhe të luftuara, që do të zhvillohen në kuadër të javës së 15-të të kampionatit, takime këto që do të luhen në dy orare të ndryshme.
Gjithçka do të ngrej siparin me duelin Bylis-Teuta,përballje kjo që do të luhet në orën 13:30 dhe që zhvillohet në stadiumin “Adush Muçaj”.
Ndërkohë në mbrëmje gjithë kryeqyteti do të jetë sy e veshë nga derbi.
Tirana-Partizani do të përballen mes tyre për herë të dytë në këtë sezon, ndërsa do të synojnë fitoren e cila vlen për krenari dhe prestigj, vlen për një qytet të tërë.
Dy rivalët e përjetshëm vihen përballë njër-tjetrit në “Air Albania” duke nisur që nga ora 18:00.
Ndërkohë, nesër, të hënën, janë në program tre ndeshje të tjera. Egnatia pret Vorën në orën 16:00, ndërsa në orën 19:00 do të luhen dy sfidat e fundit të javës. Vllaznia udhëton drejt Elbasanit dhe Flamurtari pret Dinamo City-n në Vlorë.
Kalendari i javës së 15-të të Abissnet Superiore
Sot
Bylis – Teuta 13:30
Tirana – Partizani 18:00
Nesër
Egnatia – FK Vora 16:00
AF Elbasani – Vllaznia 19:00
Flamurtari – Dinamo City 19:00
Fatos LAMAJ
