Superiorja ka hyrë në një fazë mjaftë interesante dhe tashmë çdo pikë e lënë rrugës dhemb shumëfish. Sot e nesër do të luhen ndeshje mjaft të luftuara, ku 4 ekipet e kreut do të përballen mes tyre për të bëjrë llogaritë vendit të parë.
Kështu ditën e sotme do të luhen 3 nga 5 takimet e java e 22-të. Gjithçka do të nisë me duelin mes Bylis-Tirana në orën 13:30. Një sfidë mjaft e rëndësishme dhe jetike sidomos për bardheblutë e Bledi Shkëmbit që do të tentojnë rikthimin te fitorja në kampionat. Nga ana tjetër gjejnë përballë një Bylis të rilindur me Nevil Deden që ka arritur t’u marrë pikë ekipeve pretendente.
Ndërkohë në orën 16:30 e gjithë vëmendja do të jetë në Tiranë,ku në “Arenën e Demave” do të sfidohen Partizani-Dinamo. Derbi premton spektakël dhe pritet një duel majft emocionues,teksa do të duelojnë mes tyre 2 ekipet që bashkëkryesojnë tabelën e klasifikimit. Kokë më kokë për 3 pikët që do t’i bënin lider të vetëm në Superiore.
Paralelisht do të luhet edhe Skënderbeu-Teuta. Korçarët kërkojnë pikë për të mbijetuar,ndërsa durrsakët për t’iu larguar sa më shumë zonës së ftohtë. Te Djemtë e Detit do të debutojë Bledar Devolli, me këtë të fundit që synon ta nisë me këmbën e mbarë aventurën e tij në Durrës.
Sot
Bylis-Tirana(13:30)
Partizani-Dinamo(16:30)
Skënderbeu-Teuta(16:30)
Nesër
Elbasani-Laçi(17:00
Vllaznia-Egnatia(17:00)
Fatos LAMAJ
