Një tifoz anglez u shtrua në spital në gjendje të rëndë pasi ra nga tribunat e Ëembley menjëherë pas fillimit të sfidës Angli-Kroaci Euro 2020. Uefa po heton për të hedhur dritë mbi incidentin, konfirmuar nga një zëdhënës për sigurinë e objektit: “Spektatorit i është dhënë ndihma e parë në vend, para se të transportohej në spital në situatë mjaft serioze”.
Një tjetër tifoz i pranishëm në stadiumin e Londrës, tregoi atë që pa: “Ne e pamë duke kapërcyer pengesën, pastaj ra, preku tokën dhe nuk lëvizi. Një djalë tjetër afër nesh që pa të gjithë skenën po qante. Një tifoz i tretë komentoi për atë që kishte ndodhur: “Personalisht, unë nuk e pashë skenën, por fola me disa. Ata ishin të traumatizuar, ra nga tribuna drejt vendeve për tu ulur dhe pjesës së betonit”.
