Asamblea e Përgjithshme e Jashtëzakonshme e FSHF-së do të mbahet në 18 dhjetor 2020. Një gjë e tillë është vendosur sot gjatë mbledhjes së zakonshme të Komitetit Ekzekutiv të FSHF-së të mbajtur në ambientet e Federatës së Futbollit nën drejtimin e Presidentit Armand Duka. Burime zyrtare nga insticioni i futbollit bëjnë të ditur se gjatë punimeve të asamblesë do të diskutohet për miratimin e statutit të ri të FSHF sipas modelit të FIFA-s. Ndër të tjera, gjatë mbledhjes së sotme, Komiteti Ekzekutiv i Federatës së Futbollit miratoi rregulloret e zhvillimit të aktivitetit për Kategorinë Superiore, Kategorinë e Parë, Kategorinë e Dytë, moshat, U-17, U-19 Superiore dhe Kampionatin Kombëtar të futbollit të femrave. Komiteti gjithashtu miratoi propozimin për vazhdimin e projektit “Topi Yt” për katër vitet e ardhshme, 2021-2024.
