Kapiteni kuqeblu, Bekim Balaj feston sot 33-vjetorin e lindjes. Aty ku e ka nisur që në vogli futbollin, pasi ka kaluar një karrierë të suksesshme me skuadrat e tjera, brenda dhe jashtë vendit, sulmuesi shtatlartë i Vllaznisë po mban mbi supe gjithë përgjegjësinë e shënimit të golave, ndërsa me shiritin e kapitenit në krah po udhëheq shkodranët drejt rezultateve pozitive.
Në këtë ditë të veçantë nuk kishte si të mungonte urimi nga FSHF-ja për goleshënuesin e Vllaznisë përmes një postimi në rrjetet sociale teksa shkruan:
“48 ndeshje me Shqipërinë dhe 9 gola të shënuar, sot feston ditëlindjen e 33-të sulmuesi Bekim Balaj. Familja e madhe e futbollit shqiptar i uron sa më shumë suksese në jetë dhe karrierë!
Gëzuar ditëlindjen Bekim!”, thuhet në postimin e FSHF-së.
