Vllaznia triumfon minimalisht ndaj Egnatias në Rrogozhinë, në ndeshje e vlefshme për javën e 33-të të Abissnet Superiore.
Një gol i shënuar nga Smajli në minutën e 38-të, i dha fitoren Vllaznisë, në debutimin e trajnerit Thomas Brdaric. Vlen të theksohet, se rrogozhinasit luajtën me 10 lojtarë nga minuta e 11-të, pasi Xhemajli u ndëshkua me karton të kuq. Kjo fitore për shkodranët, vjen si një lloj hakmarrje, për eliminimin nga Kupa pak ditë më parë.
Me këtë fitore, Vllaznia shkon në kuotën e 55 pikëve, 5 më pak se Egnatia e vendit të parë, ndërsa Egnatia kryeson me 60 pikë. Ndeshjen e radhës kuqeblutë e kanë kundër Dinamos në “Loro Boriçi” ndërsa Egnatia do të udhëtojë drejt Durrësit ku do të përballet me Teutën në “Niko Dovana”.