Dinamo e Tiranës ka siguruar kualifikimin në fazën e tretë të UEFA Conference League, pas një barazimi vendimtar në “Elbasan Arena”.
Pavarësisht rezultatit të barabartë, ekipi kryeqytetas ia doli të ruajë avantazhin nga ndeshja e parë dhe të vulosë kalimin më tej në kompeticionin europian.
Barazimi u prit me festë nga skuadra dhe tifozët blu, pasi kishte vlerën e një fitoreje të madhe për objektivin e arritur, vazhdimin e rrugëtimit në arenën ndërkombëtare.
Në minutën e 17′ Baton Zabërgja zhbllokon ndeshjen me një gol lideri një paralajmërim i forcës sulmuese të ekipit në mes të pjesës së parë ndërsa në të 49′ Bill Vieira barazon shpejt pas pushimit, duke mbajtur tensionin në stadium.
Në fazën e tretë të Conference League, Dinamo do të ketë përballë një kundërshtar më të fortë, por morali i skuadrës mbetet i lartë pas këtij suksesi të rëndësishëm.
