Durrësi, Vlora dhe Korça, së shpejti do të bëhen me stadiume të reja dhe bashkëkohore. Lajmin në fjalë e jep vetë Kryeministri Edi duke bërë të ditur për kthimin e impianteve të futbollit në atraksione për çdo moshë.
Me këtë rast, kreu i qeverisë Edi Rama, një ish sportist në rininë e tij, sqaron se tre stadiumet të reja në Shqipëri, do të jenë me të gjitha parametrat ndërkombëtar. Madje sipas tij, tre stadiumet e reja do të jenë atraksione për të gjitha moshat.
“U çelën tre konkurset ndërkombëtare për stadiumet e Vlorës, Durrësit, Korçës të cilat synojmë t’i kthejmë në qendra të reja qytetesh, plot jetë në çdo ditë të javës e atraksione për të gjitha moshat”, shkruan kryeministri Edi Rama në rrjetet sociale.
