Përfaqësuesja e Argjentinës ka fituar me rezultat 2-0 ndeshjen ndaj Polonisë në ndeshjen e tretë të Grupit C në kuadër të Kupës së Botës “Katar 2022”, duke u kualifikuar kështu nga pozita e parë në raundin e 1/8-tës.
Argjentina nuk ka lejuar befasi në ndeshjen e fundit të grupit duke fituar falë golave të shënuar në pjesën e dytë në takimin e zhvilluar në ‘Stadium 974’.
Pjesa e parë e ndeshjes u karakterizua me dominim të kombëtares Albiceleste, të cilët krijuan shumë raste me anë të Lionel Messit dhe Julian Alavarez, por u pritën të gjitha nga portieri Wojciech Szczesny. Përveç rasteve, Argjentina pati edhe një penallti të akorduar nga VAR-i në minutën e 39-të, por edhe këtu Szczesny ishte i pakalueshëm duke pritur goditjen e Messit dhe dërguar ekipet në pushim me rezultat 0-0.
Në pjesën e dytë, Argjentina ishte e papërmbajtshme duke rritur rastet dhe duke gjetur shpejt rrjetën dy herë për të siguruar fitoren dhe kualifikimin. Goli i parë erdhi në minutën e 46-të me anë të Alexis Mac Allister, i cili shënoi për 1-0, ndërsa Alvarez (67’) u përkujdes për të dërguar epersinë në 2-0. Deri në fund të ndeshjes pati edhe disa raste tjera nga Argjentina, por pa arritur të gjejnë golin dhe ndeshja u mbyll me rezultat 2-0.
Pas kësaj fitore, Argjentina kualifikohet nga pozita e parë, ndërsa Polonia nga vendi i dytë.
Nga ana tjetër, Meksika ka shënuar fitore me rezultat 2-1 ndaj Arabisë Saudite, në kuadër të xhiros së tretë të fazës së grupeve, por u eliminua për shkak të rregullit të gol-dallimit, pasi kishin më shumë gola të pranuar se sa rivali i tyre Polonia.
Meksikanët duket e ditur që nuk kishin fituar asnjërën nga dy ndeshjet e para, e nisën në sulm takimin, duke krijuar më shumë. Alexis Vega rrezikoi i pari në minutën e tretë, por portieri Al Owaisi ishte në vend. Pas tij ishte radha e Orbelin Pineda që rrezikoi në minutën e 25-të, por sërish ishte në vend portieri saudit. Rastin e parë në ndeshjen sauditët e kishin në kohën shtesë të pjesës së parë, por gjuajtja e Ali Al Hassan shkoi afër portës.
Me të filluar pjesa e dytë meksikanët shënuan me Henry Martin që përfitoi nga një pasim në zonë, duke tundur rrjetën nga afër për 1-0.
Pas pesë minutash Meksika shënoi edhe njëherë, kësaj radhe një gol shumë të bukur me Luis Chavez i cili gjeti rrjetën nga goditja e dënimit. Martin, Hirving Lozano dhe Chavez kishin raste për golin e tretë, por nuk ishin të saktë. Meksika e mbylli grupin me 4 pikë, aq sa Polonia, ndërsa golat e shënuar ishin të njëjtë (nga dy), por me ata të pranuar meksikanët ishin më keq, pasi që kishin një më shumë tre.
