Erzeni fiton derbin e Prefekturës, mund Teutën 2-1. Shijakasit shkojnë përkohësisht në vendin e dytë, Teuta mbetet e fundit në renditje

Lexo

Shqipëria U-16 fiton miqësoren e parë me Malin e Zi U-16 në Podgoricë

Mali i Zi U16 – Shqipëri U16          0-1(Shënues: Nuredini 64’)Formacioni i Shqipërisë: Leonard Kolgecaj, Davide Avdullari, Enea Elmazi, Murselo Dervishi,...

(Video) Vllaznia humb në shtesë Superkupën e Shqipërisë. Kuqeblutë tashmë të përqëndruar tek kampionati, presin të hënën Egnatian në “Loro Boriçi”

 Ashtu siç pritej, Superkupa e Shqipërisë ka dhuruar emocione pa fund. Tirana kampione e Shqipërisë dhe Vllaznia fituese e...

Teuta-Erzeni 1-2

(Shënues: L. Vila 48′ / Kahrimanoviç 54′, Nonato 69′)

Teuta: Qirko; Kotobelli, Kuro, Idrizaj, A. Marku; Beqja, Karabeci, E. Vila; L. Vila, Hebaj, Gruda.  Trajner: Bledi Shkëmbi.

Erzeni: Xhika; Enk, Krasniqi, Sadiki; Kadriu, Kriviçiç, Mehmeti, Kahrimanoviç, Peposhi; Ademi, Nonato.  Trajner:Xhevahir Kapllani.

Gjyqtar: Enea Jorgji (Elbasan), Astrit Mahmuti (Elbasan),   Maringlen Llukmani (Vlorë). I katërt: Silvio Dyrmishi (Elbasan)

VAR  Juxhin Xhaja (Tiranë)-AVAR  Rejdi Zajimi (Tiranë)

Skuadra shijakase Erzeni e drejtuar nga trajneri Xhavahir Kapllani ka fituar derbin e Prefekturës teksa mundi sot Teutën e Durrësit me rezultatin 1-2.

Përr shkak të punimeve në stadiumin “Niko Dovana”, Teuta pritëse e luajti ndeshjen për llogari të javës së 12-të të Kategorisë Superiore në stadiumin e Rrogozhinës, Egnatia.

Një ndeshje derbi, me shumë emocione, që u ka buzëqeshur shijakasve, të cilët arrijnë të fitojnë me përmbysje.

Pjesa e parë ka nisur më e mirë për durrsakët, të cilët për shumë minuta kanë administruar lojën dhe në një moment kanë pretenduar për një 11-metërsh. Shijakasit nga ana e tyre janë rritur me kalimin e minutave dhe në fundin e fraksionit të parë kishin mundësinë më të mirë për të kaluar në avantazh. Gjithsesi, pjesa e parë është mbyllur me rrjeta të paprekura.

Pjesa e dytë ka nisur me gol, janë durrsakët që gjejnë rrugën e rrjetës. Lorenco Vila ka arritur të mposhtë Xhikën, 1-0 për Teutën. Por festa e të besuarve të Shkëmbit ka zgjatur shumë pak, pasi në minutën e 54-ët është Kahrimanovic që ka vendosur barazpeshën me një gjuajtje nga distanca, 1-1.

Shijaksait godasin përsëri dhe kësaj radhe me golin e avantazhit. Është pikërisht minuta e 69-të, moment në të cilin Nonato firmosi 2-1 pas një aksioni model, që është dhe rezultati përfundimtarë i kësaj sfide. Me këtë fitore Erzeni ngjitet në kuotën e 20 pikëve, ndërsa Teuta mbetet në vendin e fundit me 8 pikë, duke u fundosur akoma më shumë në vendin e fundit të tabelës së klasifikimit.

 

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -