“Ne kemi një dëshirë të madhe për të ecur përpara dhe jemi të bindur se mund ta bëjmë”.
Toni Kroos nuk mendon se çerekfinalja e së premtes kundër Spanjës në Shtutgart do të jetë ndeshja e fundit e karrierës së tij. “Nuk mendoj se do të luaj ndeshjen time të fundit pasnesër, kështu që mendoj se do të shihemi të gjithë sërish”, u përgjigj mesfushori gazetarëve.
Në moshën 34-vjeçare, Kroos u kthye në ekipin kombëtar shkurtin e kaluar për të luajtur Kampionatin Evropian në shtëpi me Gjermaninë. Pak ditë para finales së Ligës së Kampionëve me Real Madridin (fitoi 2-0 kundër Borussia Dortmundit), ai njoftoi se do ta mbyllte karrierën në fund të turneut kontinental, pra më së voni më 14 korrik.
“Qëllimi, si personal ashtu edhe kolektiv, është të fitojmë turneun. Ne kemi një dëshirë të madhe për të ecur përpara dhe jemi të bindur se mund ta bëjmë”, tha Kroos, për të cilin kualifikimi në çerekfinale ishte “objektivi minimal”.
Shoku i skuadrës së Kroos te Real Madrid, spanjolli Joselu, tha se ai donte të detyronte “mikun” e tij Kroos të “tërhiqej të premten”. “E njoh shumë mirë dhe e di se çfarë donte të thoshte. Këtë dëshirë ia lë atij dhe do të bëjmë gjithçka që të mos realizohet”, ia ktheu Kroos duke buzëqeshur.
